اسلام آباد۔21 اکتوبر(اے پی پی) د اطلاعات او خپرونو وفاقي وزير عطاﺀ تارړ د 26 م آئيني بدلون منظوري د پاكستان په تاريخ كښې يو مهم سنګ ميل ګرځولو سره وئيلي دي دا نن سهار يو نوے سهار دے ٬ نن د پاكستان د اولس ٬ رياست او جمهوريت د بريا ورځ ده ، تاريخ به دا ثابته كړي چې آئيني بدلون د اولس په حق كښې دے۔ دا خبره ده د ګل په ورځ د 26 م آئيني بدلون په منظورېدو بلاول بھټو زرداري ٬ مولانا فضل الرحمن ٬ د وفاقي كابينې غړو او ټول قام له مباركۍ وركولو سره وكړه۔ ده ووئيل د 26 م آئيني بدلون منظوري د جمهوريت كاميابي ده كومه به چې په تاريخ كښې تل ياده ساتلې شي۔ ده ووئيل قائداعظم محمد علی جناح د آئینی عدالت د سوچ بنياد اېښودے ؤ۔ ده ووئيل دې سره به اولس ته د انصاف په لاره كښې پېښې ستونزې هوارې شي۔ ده ووئيل په سياست كښې ضد نه وي ، د آئيني بدلون منظوري د ميثاق جمهوريت د ايجنډې ترسره كېدل دي۔ ده ووئيل دې سره به په هېواد كښې د قانون حكمراني او سرلوړي تسليم كړې شي۔ دې سره به په عدليه كښې د تقرريانو او د ججانو د كاركردګۍ جاج اغستو عمل سپېځلے شي او پارلمان به د يو بالادستې ادارې په توګه خپل كار وكړے شي۔
د 26 م آئيني بدلون منظوري د پاكستان په تاريخ كښې يو مهم سنګ ميل دے ٬ د نن سهار يو نوے سهار دے ، تاريخ به دا ثابته كړي چې آئيني بدلون به د اولس په ګټه وي٬ عطاﺀ تارړ
مضمون کا ماخذ : میگا ملینز کا جیک پاٹ
متعلقہ مضامین
