اسلام آباد۔3ستمبر(اے پی پی)وفاقی وزیر من??وبہ بندی ترقی، اصلاحات و خصوصی اقدامات احسن اقبال آکھیے جو مہانگ دے ہک ہندسے تئیں ڳھٹݨ، سٹاک مارکیٹ اچ تیزی اتے ݙو عالمی اداریاں دا پاکستان دی درجہ بندی بہتر کرݨ ہک چنڳاں اشارہ اے، پالیسیاں دے تسلسل اتے اہم شعبیاں اچ اصلاحات تے عملدرآمد کیتا ویسی تاں جو پاکستان دی تیزی نال اٻھردی اتے ترقی ??ریندی معیشتاں اچ ڄاہ ݙیوائی ونڄ سڳے۔ او اسلام آباد اچ کمپیوٹنگ ایجوکیشن ایکریڈیٹیشن کونسل دی کمیٹی دے اجلاس دی اڳواݨی کریندے پئے ہن۔ اجلاس اچ وفاقی وزیر اکنامک افئیرز ڈویژن احد چیمہ، وزیر مملکت برائے انفارمیشن ٹیکنالوجی شزا فاطمہ، چیئرمین ایچ ای سی مختار احمد اتے وزارت من??وبہ بندی دے اعلیٰ حکام شرکت کیتی۔ وفاقی وزیر آکھیا جو وزیراعظم شہباز شریف نیشنل کمپیوٹنگ ایجوکیشن ایکریڈیشن کونسل دا چیئرمین چݨݨ کیتے میرٹ اتے شفافیت دی ہ??ایت کیتی اے، ک??نسل اچ بین الاقوامی معیارات دے مطابق با صلاحیت نوجواناں کوں رلایا ویسی، اڄوکے حالات اچ تعلیم دے معیار دی بہتری کیتے اساتذہ کوں تربیت ݙیوݨ دی لوڑھ اے، ڈیجیٹل کمپیوٹنگ، ہارڈویئر اچ ٻہوں موقع ہین، ساکوں تعلیم دے ودھارے، نینگراں کوں مواقع سودھا نصاب تعلیم دے نال نال اساتذہ دی تربیت وی کرݨی ہوسی، ڈیجیٹلائزیشن دی تعلیم اتے ایندے تے عمل ترقی اچ ہتھ ونݙا سڳدے۔ انہاں نیشنل کمپیوٹنگ ایجوکیشن ایکریڈیشن کونسل دا چیئرمین چݨݨ کیتے کمیٹی ٻݨاوݨ دی وی ہ??ایت کیتی۔
وفاقی وزیر احسن اقبال دی اڳواݨی اچ قومی کمپیوٹنگ ایجوکیشن ایکریڈیٹیشن کونسل دی کمیٹی دا اجلاس
مضمون کا ماخذ : سٹاربرسٹ
متعلقہ مضامین
