اسلام آباد۔31 اګست(اے پی پی) نګران خارجه وزير جليل عباس جېلاني وئيلي د ملګرو ملتونو امن ډلو لپاره محفوظ چاپېريال باوري كول بايد اولنۍ ترجيح وي ٬ پاكستان په نړۍ كښې امن په ځايې كولو له بشپړه كردار ترسره كړې دې٬ پاكستان د ملګرو ملتونو امن مشن كښې د كردار ترسره كولو عزم لري۔ د دې خيالاتو څرګندونه ده د زيارت په ورځ د ملګرو ملتونو امن مشن 2 ورځنۍ وزارتي تيارۍ غونډې ته خطاب كښې وكړه۔ خارجه وزير ووئيل چې د امن عسكرو حفاظت او سلامتيا باوري كولو له ټېكنالوجي كارول زيات ضروري دي٬ د يو اېن پيس كېپنګ ډيجيټل بدلون ستراتيجي حالاتو سره د اړوندې خبرتيا زياتولو ٬ د ناسمه معلوماتو مقابله كولو او د ټېكنالوجۍ كارول ښه كولو په حاجت زور راوړي۔ ده ووئيل داسې كولو سره مونږ امن ډولو ته د پرېكړو كولو او د خپل مېنډېټ په زيات فعاله ډول د كارولو بشپړه اختيار وركوؤ۔ ده ووئيل كه يو اړخ ته پاكستان د ملګرو ملتونو امن مشنز لپاره 4 زره څخه زيات عسكر وياړ سره لېږي نو بلخوا د امن دائرې پراختيا ته دې هم خاص پام وګرځولې شي۔ ده هند او پاكستان لپاره د ملګرو ملتونو د پوځي مبصر ډلې د اهميت ذكر وكړو كوم چې په كال 1949 كښې جوړ كړے شو۔ ده ووئيل دا د جنګ بندۍ خلاف ورزيو نګراني او پلټنيو كولو له په اولنو اقداماتو كښې د يو اقدام په توګه خاص مقام لري٬ په جموں وكشمير كښې د دې ډلې اهلكارو سره د يو فريق لخوا د مرستې نه كولو د لاسه بلها ستونزې رامخې ته شوي دي۔ ده ووئيل پاكستان تل تاؤ تريخوالي سره مخ سيمو كښې امن په ځايې كولو له ملګرو ملتونو سره په ګډه مهم كردار ترسره كړے دے ٬ د دې مشن د كار استعداد سوا كولو له به ګامونه پورته كول وي۔ ده ووئيل د امن مشن كاميابي ګڼ اړخيزه او مربوط عواملو سره تړلې ده۔ پاكستان په 30 او 31 اګست په اسلام آباد كښې د ملګرو ملتونو د امن مشن د روانې غونډې تيارۍ غونډې كوربتوب وكړو چې سرخط يۍ”د ملګرو ملتونو امن ډلو حفاظت او سلامتيا” دے۔ جاپان د دې غونډې شريك كوربه دے كومه چې د پاكستان تر ټولو لويې تربیتی اداره سېنټر فار انټرنېشنل پیس اېنډ سټېبلېټی (سی آئی پی ایس) كښې وشوه۔ په غونډه كښې د غړو هېوادونو استازو او ځائي او نړيوالو پوهانو ګډون وكړو۔ د ملګرو ملتونو د سېكرټرېټ اعلی چارواكي هم غونډه كښې موجود وو۔په دوه ورځنۍ غونډه كښې په بېلو ذېلي سرخطونو مباحثې وشوې۔ دا خبره د يادونې وړ ده چې د پاكستان شمېره د ملګرو ملتونو امن پوځ ته زيات عسكر وركوؤنكو هېوادونو كښې كېږي۔ پاکستان كال 1960 څخه تر دې دمه نزدې په ټولو براعظمونو كښې د ملګرو ملتونو 46 امن مشنونو له دوه لكه 30 زره څخه زيات سړي او مېرمنې اهلكارې لېږلې دي۔ د پاکستان 172 امن عسكرو د خپل فرض په ترسره كولو كښې د خپلو ځانونو قرباني وركړې ده۔ دا خبره دې ياده وي چې د كال 2023 وزارتی غونډه به په ګھانا كښې كولې شي۔ دې څخه وړاندې به د څلورو غونډې يو سيريز وي په كومو كښې به چې د يوې كوربتوب پاكستان كوي۔ په دغه غونډه كښې به د ملګرو ملتونو امن مشن لا پياوړې كولو له مخصوص څانګو ته خاص پام ګرځولې شي
د ملګرو ملتونو امن ډلو لپاره محفوظ چاپېريال باوري كول بايد اولنۍ ترجيح وي ٬ پاكستان په نړۍ كښې امن په ځايې كولو له بشپړه كردار ترسره كړې دې٬ نګران خارجه وزير جليل عباس جېلاني
مضمون کا ماخذ : لوٹیریا علاقائی
متعلقہ مضامین
.jpg)
