اسلام آباد۔24فروری (اے پی پی):وزیراعظم محمد شهباز شریف وئېلې دي امنيتي ځواكونه د هېواد سلامتیا باوري كولو له لوظي دي ، د هېواد مفادات په لار كښې په هيڅ صورت خپله انا خنډ نه دي جوړول پكار ، د معاشي استحکام لپاره سیاسي استحکام ضروري دے ، د هېواد لپاره د آئي ایم ایف سختو شرطونو منلو ته مجبور يو ۔ د دې خیالاتو څرګندونه ده د جمعې په ورځ په نیشنل ایکشن پلان د عملدرآمد په اړه غونډې ته وكړه ۔ وزیراعظم محمد شهباز شریف ووئېل په آرمي پبلک سکول د بريد نه پس نیشنل ایکشن پلان تشکیل كړے شوے ؤ ، د نواز شریف په حكومت كښې په نیشنل ایکشن پلان ټول اتحادیان متحد كړے شوي وو ، د پیښور پیښې نه پس کراچی كښې هم د ترهه ګرۍ پیښه رامخې ته شوې۔ ده ووئېل د پیښور لوئې غمجنې پیښی نه پس د ایپکس کمیټۍ غونډې دا دويمه غونډه ده ،په دې كښې ټولو له د ګډون بلنه وركړې شوې خو د دې باوجود يو سیاسي ګوند دا مناسب ونه ګڼړله چې په غونډه كښې ګډون وكړي ، هغوي غواړي چې چارې په سړكونو لارو كښې تر سره شي ،ده ووئېل د هېواد مفادات لپاره په هيڅ صورت انا خنډ نه دي جوړول ، انا د هېواد د ګټې نه په هيڅ صورت مقدم نشي كېدې ، هېواد كه د پرمختګ په لور روانول دي نو ذاتي انا به لرې كول وي ۔ ده ووئېل هېواد د معاشي مسائلو سره مخ دے ، هيله ده چې آئي ایم ایف سره به زر معاملات تر سره شي ،د هېواد لپاره د هغوي سختو شرطونو منلو ته مجبور يو،ده ووئېل سیاسي اتحادیانو د ریاست بچ كولو لپاره د خپل سیاست داو لګولے دے ، مونږ هېواد د ستونزو څخه ويستلو له د زړه نه هڅې كوو ۔ ده ووئېل نیکټا د نیشنل ایکشن پلان تر مخه جوړه كړې شوې، ریاست د ټولو نه اول دے نور ټول وروستو دي ۔ وزیراعظم ووئېل د پاکستان دوست هېوادونو په مشکل وخت كښې د پاکستان ملګرتيا كړې ، د آئي ایم ایف سره د لوظنامې نه وروستو به د دوست هېوادونو مرسته كوو ، د پاکستان لپاره د هغوي شراکت داري د هېرولو نه ده ۔ ده ووئېل انسان په اخلاص کوشش کوي، كه د كور حالات پخپله نه سموو نو نور څوك به مرسته نه كوي،ځكه حکومت د کفایت شعاۍ آغاز کړے ،ده ووئېل سکیورٹي فورسز د ترهه ګرو په ضد په زړه پورې کارروائي کوي ، څومره زر چې د دې په معاملې په نزاکت پوهه شو دومره به راتلونكو نسلونو له بهتر وي ، په اجتماعي سوچ او کوششونو هېواد د مشکل صورتحال نه ويستلے كېدے شي ۔ده ووئېل په غونډه كښې سیاسي رهنما، عسكري او سول چارواكي شریک دي ۔ ده ووئېل هېواد د ترقۍ په لار روان كړے شوے ؤ، امن او سکون قائم كړے شوے ؤ ، د ترهه ګرۍ په ضد جنګ كښې د پاک پوځ ځوانانو بشول ټول قا م د 83 زره كسانو قربانۍ وركړي كومې چې په ټوله نړۍ كښې د امن لپاره مهمې دي ۔
د هېواد مفادات په لار كښی په هيڅ صورت خپله انا خنډ نه دي جوړول پكار ، د وزیراعظم محمد شهباز شریف په نیشنل ایکشن پلان عملدرآمد په اړه غونډې ته خطاب
مضمون کا ماخذ : لاٹری ٹکٹ جیتنے کے نمبر
متعلقہ مضامین
.jpg)
