اسلام آباد ۔ یکم فروری (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان ٓکھیے جو وزیر اعظم عمران خان دے زیر صدارت ہک اہم اجلاس تھئے جیندے اچ سیاسی ، معاشی اتے عوامی ریلیف دی صورتحال، کشمیر نال یکجہتی،احتساب کیتے اقدامات اچ پیش رفت دا جائزہ گھدا گئے اتے وزیراعظم اے عزم دوہرائے جو اساں حکومر کرنڑ نئیں نظام بدلنر آئے ہیں،نظام توں کرپشن کوں منڈھو مکاونڑتئیں احتساب جاری رکھیا ویسی،نظام اچ اصلاحات سانگے رکاوٹ پاونڑ آلیاں کوں برداشت نہ کیتا ویسی اتے احتساب توڑ پچایا ویسی جڈاں جو پنج فروری کوں تکڑے انداز اچ یوم یکجہتی کشمیر منیندے ہوئے موبوضہو ادی اچ بھارتی مظالم اتے مکروہ عزائم کوں پورے جگ اچ بے نقاب کیتا ویسی۔اجلاس توں بعد میڈیا بریفنگ اچ وزیر اعظم دی معاون خصوصی اطلاعات و نشریات آکھیے جو وزیر اعظم میڈیا تے زور ڈتے جو او کشمیر بارے قومی بیانیہ عام کرنڑ کیتے کردار ادا کرے تاں جو بھارت پورے جگ اچ بے نقاب تھیوے۔وزیراعظم کشمیر دے مسلہ کوں قومی ترجیح قرار ڈیندے آکھیے جو پنج فروری کوں یوم یکجہتی کمشیر پورے ملک اچ وڈے زور نال منایا ویسی،سیاسی جماعتاں، حکومت اتے عوام رل تے کشمیریاں نال یکجہتی کرن۔انہاں آکھیا جو وزیراعظم ذخیرہ اندوزاں، ملاوٹ مافیا دی سرکوبی اتے عوام کوں سوکھ ڈٰونڑ اچ رکاوٹاں مکاونڑ دی ہدایت کیتی اے،مہانگ مکاونڑ اتے کنڑک دی دستیابی دے اقدامات تے وی زور ڈتے ۔انہاںا ٓکھیے جو قوم دا پیسہ لٹنڑ آلے جعلی اکاﺅنٹس ہوون یا شریفاں دی ٹی ٹیاں یا نظام دیاں کالیاں بھیڈاں ساریاں کوں منطقی انجام تئیں پچایا ویسی جیں نظام کوں قومی مفاد دے بجائے ذاتی مفاد کیتے استعمال کیتے۔وزیراعظم عمران خان ہیلتھ کارڈ پروگرام ،یوٹیلیٹی سٹوراں تے ریلیف دے اقدامات دا وی جائزہ گھدے ۔وزیراعظم ملکی معاشی اعشاریاں دی چنگائی تے اطمینان کریندے مستقبل اچ بئی چنگائی دی امید کیتی اے۔فردوس عاشق اعوان آکھیا جو اساں کہیں کوں حکومت دی قصیدہ گوئی دا نئیں ٓکھیا، وزیراعظم دا واضح موقف اے جو عوام دی بھلائی اچ جیڑھا وی روڑے اٹکیسی اوکوں قانون دی طاقت نال ولدا ڈتا ویسی،جیڑھا کاز دے نال نئیں اپنڑے مفاد نال کھڑے او عمران خان دا سپاہی نئیں تھی سگدا۔
وزیر اعظم عمران خان دی زیرصدارت اجلاس،سیاسی، معاشی اتے عوامی ریلیف دے اقدامات دا جائزہ،یوم یکجہتی کشمیر تے بھارتی مکروہ عزائم جگ اچ بے نقاب کیتے ویسن
مضمون کا ماخذ : پاکستان لاٹری نمبر
متعلقہ مضامین
