وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دی کابینہ اجلاس دے بعد میڈیا بریفنگ

وفاقی کابینہ کوں تعمیرات کیتے سوکھ ڈیونڑ ، ذخیرہ اندوزی اتے سمکلنگ روکنڑ سودھا افراط زر تے قابو پاونڑ کیتے ڈو آرڈیننس تے بریفنگ ڈتی گئی،سخت سزائیں وی تجویز تھین،وزیراعظم عوام دے ڈکھاں دا ازالے کیتے عملی اقدامات سودھا کرونا توں بچاونڑ دا عزم دوہرائے
اسلام آباد ۔ 14 اپریل (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان کابینہ دے اجلاس توں بعد کیتے گئے فیصلیاں بارے بریفنگ اچ آکھیے جو وزیرعظم عمران خان دے زیر صدارت اجلاس اچ وفاقی کابینہ کوں تعمیرات کیتے سوکھ ڈیونڑ ، ذخیرہ اندوزی اتے سمکلنگ روکنڑ سودھا افراط زر تے قابو پاونڑ کیتے ڈو آرڈیننس تے بریفنگ ڈتی گئی،سخت سزائیں وی تجویز تھین،وزیراعظم عوام دے ڈکھاں دا ازالے کیتے عملی اقدامات سودھا کرونا توں بچاونڑ دا عزم دوہرائے۔ انہاںا ٓکھیے جو وفاقی کابینہ کامیاب ایمرجنسی کیش ٹرانسفر پروگرام اچ 100فیصد شفافیت برقرار ررکھنڑ تے معاون خصوصی برائے سماجی تحفظ و تخفیف غربت ثانیہ نشتر‘ کیش منتقلی ویلھے سماجی فاصلے اتے طے شدہ ایس او پیزتے عمل درآمد تے صوبائی قیادت اتے ضلعی حکومتاں دی تعریف کیتی۔ انہاں ڈسائے جو وزیراعظم دی ہدایت تے تعمیرات دے شعبے اچ سوکھ کیتے آرڈیننس آندا پئے، ذخیرہ اندوزی اتے سمگلنگ روکنڑ دے نال نال افراط زر کوں کنٹرول کرنڑ ، ضروری اشیاءدی فراہمی سانگے ایں آرڈیننس اچ ذخیرہ اندوزاں اتے سمگلنک کرنڑ آلیاں دے خلاف سخت سزائیں تجویز کیتاں گین ۔ کابینہ اجلاس ، کابینہ کمیٹی برائے قانونی سازی دے ترائے اپریل دے فیصیلیاں اقتصادی رابطہ کمیٹی دے فیصلیاں دی توثیق کیتی اے۔کابینہ چھی نکاتی ایجنڈے تے غور کریندے ہوئے کئی اہم فیصلے کیتن جیندے اچ احساس ایمرجنسی کیش ٹرانسفر تے ایڈوانس انکم ٹیکس اچ چھوٹ ڈیونڑ دی منظوری سودھا اسلام آباد مرغزار چڑیا گھر دا کنڑول وزارت موسمیاتی تبدیلی کوں ڈیونڑ دی منظوری وی شامل اے جڈاں جو کابینہ ای او بی آئی پنشن ودھارے دی سمری موخر کر ڈتی اے۔اجلاس اچ مشیر خزانہ ڈاکٹر عبدالحفیظ شیخ ملک دی اجوکی اقتصادی صورتحال تے بریفنگ ڈتی۔معاون خصوصی برائے صحت ڈاکٹر ظفرمرز کروناوائرس کوں کھندنڑ کوں روکنڑ کیتے اقدامات دی اج تئیں دی پیش رفت دا جائزہ پیش کیتے اتے پورے ملک اچ کرونا نال متاثرہ مریضاں دے حوالے نال اعداوشمار ڈتن۔کابینہ کرونا توں بچاواتے احتیاط سانگے درآمدات تے برانڈ دی شرط ختم کرنڑ دی منظوری ڈتی۔سماجی تحفظ اتے غربت بارے معاون خصوصی ڈاکٹر ثانیہ نشتر اجلاس کوں احساس کیش ٹرانسفر پروگرام بریفنگ ڈتی۔انہاں ڈسائے جو ایمرجنسی کیش پروگروام دے پورٹل دا افتتاح تیکھے وزیراعظم عمران خان کریسن، پورٹل توں ہر شہری کوں ایں پروگرام بارے معلومات ‘ڈیٹا ‘ کیش منتقلی دی تفصیلات ملسن۔