اسلام آباد ۔ 21 اگست (اے پی پی)وزیراعظم دے مشیربرائے خزانہ ومحصولات ڈاکٹرعبدالحفیظ شیخ آکھیے جو پاکستان دے عوام دی فلاح بہبود اتے ترقی حکومتی اصلاحات دے پروگرام دا اہم مقصد اتے ہدف اے، ادارہ جاتی اصلاحات دا عمل جاری اے، سٹیٹ بینک، ایس ای سی پی اتے مسابقتی کمیشن آزادانہ طورتے کم کریندے پن ، اصلاحات دے پروگرام دا ہک بئے عنصرادارہ جاتی اصلاحات دے عمل اچ نجی شعبہ کوں رلاونڑاں اے ، ملکی تاریخ اچ اے منفرد موقع اے جو ہک ایجھا لیڈر موجود اے جیرھا میرٹ تے کم کریندا پئے ۔اے گال انہاں کراچی کونسل آن فارن ریلیشنز دے زیراہتمام ”حقیقت پسندانہ اصلاحات دے ذریعہ اقتصادی استحکام“ دے موضوع تے سیمینار نال خطاب کرندے ہوئیں آکھی اے ۔ ڈاکٹرعبدالحفیظ شیخ آکھیے جو جڈاں موجودہ حکومت آئی تاں اندرلے تے باہرلے گھاٹے ودھ ہن ، برآمدات اچ ودھارا پچھلے پنج سال اچ منفی ہئی ، ڈالر دی مصنوعی قدرکیتے ڈالراستعمال کیتے گے ۔کرنٹ اکاونٹ خسارہ20 ارب ڈالرہئی۔ مالی خسارہ وی ودھ ہئی ۔ موجودہ حکومت اوکھے فیصلے کیتے ۔ اصلاحات دے پروگرام دی حمایت کیتے بین الاقوامی برادری اتے عالمی مالیاتی اداریں جیویں آئی ایم ایف توں معاونت حاصل کیتی گی ، ایشیائی ترقیاتی بینک، عالمی بینک اتے کثیرالجہتی وڈوطرفہ انتظامات دے تحت اضافی بجٹ معاونت حاصل کیتی گی ۔ایندے نال نال اوکھے فیصلے کیتے گے ۔ حکومتی خرچے اچ کمی ہک وڈا فیصلہ ہئی ،کابینہ دیاں تنخواہیں گھٹ کیتیاں گیاں ۔ پورے سال اچ کہیں وزارت کوں اضافی ضمنی گرانٹ کائنی ڈتی گی ۔ موجودہ حکومت ماضی اچ گھدے گے قرضے تے 5 ہزار ارب روپے داسود ڈتا ۔ حکومت ڈوسالاں اچ حسابات جاریہ داخسارہ 20 ارب ڈالرتوں گھٹ کرتے 3 ارب ڈالر دی سطح تے گھن آونڑ اچ کامیابی حاصل کیتی اے ، بلوم برگ پاکستان دی سٹاک مارکیٹ کوں دنیا دی تکھے بہتری دے پاسے ویندی ٹاپ مارکیٹاں دی فہرست اچ رلائے ۔
عوام دی فلاح بہبود اتے ترقی حکومتی اصلاحات دے پروگرام دا اہم مقصد اتے ہدف اے، وزیراعظم دے مشیرخزانہ ومحصولات ڈاکٹرعبدالحفیظ شیخ
مضمون کا ماخذ : بلوچستان لاٹری
متعلقہ مضامین
