لندن ۔19 اپریل (اے پی پی) وزیراعظم شاہد خاقان عباسی پرنس آف ویلز شہزادہ چارلس نال کلیرنس ہاﺅنس لندن اچ ملاقات کیتی اتے برطانیہ کوں کامن ویلتھ ہیڈز آف گورنمنٹ میٹنگ 2018ء(سی ایچ او جی ایم) کامیابی نال کراونڑ تے مبارک ڈتی۔انہاں آکھیے جو پاکستان دولت مشترکہ دا بانی ممبر ہوونڑ پاروں دولت مشترکہ کوں بہوں اہمیت ڈیندے اتے آندے 2 سال کیتے دولت مشترکہ دی برطانیہ کوں صدارت ملنڑ دا خیر مقدم کریندے۔ وزیراعظم عالمی سطح تے خیراتی اداریاں کیتے برطانیہ دے شاہی خاندان دے کردار دی تعریف کیتی۔ پرنس آف ویلز شہزادہ چارلس پاکستان دی کامن ویلتھ ہیڈز آف گورنمنٹ میٹنگ 2018ءاچ اعلیٰ سطح شرکت تے شکریہ ادا کریندے ہوئیں دولت مشترکہ کیتے پاکستان دے کردار دی تعریف کیتی۔
مضمون کا ماخذ : پاکستان لاٹری ٹکٹ
