اسلام آباد ۔ 16 جولائی (اے پی پی)الیکشن کمیشن آف پاکستان عام انتخابات 2018 دے دوران فرائض تے غفلت ورتنڑ،جعلسازی یا ووٹ تے اثر انداز تھیونڑ دی صورت اچ انتخابی عملے دیاں سزائیں مقرر کر گھدن۔ الیکشن کمیشن موجب انتخابی عملے ولوں کاغذات اچ کوئی رد و بدل جرم ہوسی،جانڑ بجھ تے بیلٹ پیپر تے سرکاری مہر خراب کرنڑ سودھا بیلٹ باکس دی سیل تروڑن وی جرم گنڑیا ویسی۔انہاں جرائم اچ انتخابی عملے کوں 6 مہینے قید اتے ہک لکھ روپے جرمانہ یا ول ڈوہائیں سزائیں تھی سگدن۔ووٹر کوں مجبور کرنڑ، ووٹ اتے انتخابی نتائج تے اثر اندازتھیونڑ وی غیرقانونی ہوسی جیندی سزا 2 سال قید، ہک لکھ جرمانہ یا ڈوہیں سزائیں ہوسن۔ الیکشن کمیشن آکھیے جو ووٹر دی رازداری ڈساونڑ، بیلٹ پیپر تے لگی مہر دا کہیں کوں ڈساونڑ، ووٹاں دی گنڑتری ویلھے امیدوار کوں ووٹاں دی تعداد ڈساونڑ تے وی سزا ملسی۔
مضمون کا ماخذ : بک آف ڈیڈ
