اسلام آباد 29 اګست (اے پي پي) د خزانې وفاقي وزير مفتاح اسماعيل وئېلي دي چې مسلم ليګ(ن)او اتحادي ګوندونو خپل سياست په داؤ لګولو سره پاكستان د ديواليه كېدو نه بچ كړې٬ د عمران خان په خوښه شوكت ترين د پنجاب او كے پي كے د خزانې وزيران د رياست په ضد اقداماتو ته راپارولي٬د رياستي ګټو په ضد غېر ملكي ادارې ته خط ليكل غداري ده٬بايد شوكت ترين د فون رېكارډنګ راتللو نه پس سياست پرې ږدي٬بايد د خېبرپښتونخوا د خزانې وزير تيمور جهګړا په سمدستي توګه استعفٰی وركړي۔د تېرو 10 كلونو څخه په خېبرپښتونخوا كښې د عمران خان حكومت دے٬تر نن يې كوم لويې سكول٬كالج٬پوهنتون يا روغتون نه دې جوړ كړې٬اولس د برېښنا په بلونو چې كوم فيول اېډجسټمنټ چارجز ادا كوي٬دا د پي ټي آئي په وخت كښې د اخستلې شوي ګران فيول په وجه دي۔ده دا خبرې د پي ټي وي په هېډكوارټر كښې د ګل په ورځ خبري كنفرنس ته د وېنا كولو په مهال وكړې۔وفاقي وزير ووئيل چې د تېرو 4 ورځو څخه وزيراعظم سېلاب ځپليو سره ملاقاتونه كوي٬ده د سندھ او خېبرپښتونخوا دورې كړی دي٬كوم ځاې ته چې وزيراعظم نشي رسېدې هلته نور مشران ځي۔مريم نواز هم د بېلا بېلو سيمو دورې كوي٬وزيراعظم 15 اربه سندھ او 7 اربه بلوچستان ته د وركولو اعلان كړې٬لا د نور رقم غوښتنه كولې شي٬مونږ محدود وسيلې لرو۔ده ووئيل چې په سېلاب او باران كښې د خلكو څاروي مړه شوي٬كورونه او فصلونه تباه شوي٬په دې مشكل صورتحال كښې پي ټي آئي پريوتې حركت كړې٬د شوكت ترين آډيو راغلې چې پكښې هغه د پنجاب د خزانې وزير محسن لغاري ته وائي چې آئي اېم اېف ته اووئيه چې زمونږ زيان شوې او يو خط هم وليكله په دې محسن لغاري وائي چې دې سره به زمونږ سياست ته خو زيان نه رسي۔ هم دغسې ده د خېبرپښتونخوا د خزانې وزير تيمور جهګړا ته وئېلي دي چې تاسو خط جوړ كړې٬په دې تيمور جهګړا وائي چې اوس يې جوړوم٬شوكت ترين په فون كنځلې كوي٬د دې ټولې معاملې ماسټر مائينډ شوكت ترين دے۔ده ووئيل چې مونږ ته خو نواز شريف٬شاهد خاقان عباسي او نور خلكو وئيل چې حكومت مه اخلۍ٬ما هم د حكومت جوړېدو نه وړاندې شهباز شريف خبر كړی و چې هېواد ديواليه شوې٬د پیټرول او برېښنا بيعې به زياتول وي خو شهباز شريف سختې پريكړې وكړې۔ده ووئيل چې ما په دې نكته آئي اېم اېف سره خبره نه ده كړې خو ماته معلومه شوې چې خط آئي اېم اېف ته لېږلې شوې٬مونږ هيله لرو چې د عمران خان دې حركت سره به د آئي اېم اېف پروګرام متاثر نشي٬نن شپه به د آئي اېم اېف څخه د قرض اعلان وشي۔چاته چې پاكستان عزيز نه دې زه به هغوي سره خبره نه كوم
د عمران خان په خوښه شوكت ترين د پنجاب او كے پي كے د خزانې وزيران د رياست په ضد اقداماتو ته راپارولي٬د رياستي ګټو په ضد غېر ملكي ادارې ته خط ليكل غداري ده۔د خزانې وفاقي وزير مفتاح اسماعيل خبري كنفرنس ته وېنا
مضمون کا ماخذ : گونزو کی تلاش
متعلقہ مضامین
