اسلام آباد ۔ 17 مئی (اے پی پی) وفاقی وزیر مواصلات مراد سعید آکھیے جووڈے میاں وڈے میاں نکے میاں سبحان اللہ،وڈے میاں علاج دے بہانے لندن نکل گئن چھوٹے میاں کرونا دا ناں گھن تے زمین اچ لک گئن ، رسیداں نہ وڈے میاں کوں ملین نہ چھوٹے میاں کوں ملدیاں پئن ۔ اتوار کوں اپنڑے ہک بیان اچ انہاں آکھیے جو وڈے میاں سمدھی نال رل تے لوٹ مار تے منی لانڈرنگ کیتی ۔ وفاقی وزیر آکھیے جو چھوٹے میاں پتر دے کلاس فیلوز تے ذاتی ملازمین دے ذریعے کرپشن دا پیسہ ٹکھانڑیں لیندے رہیے وڈے میاں آف شور کمپنیاں دا جال وچھایا، چھوٹے میاں نقلی اکاونٹس دے ذریعے کم چلائے۔ مراد سعید آکھیے جو وڈے میاں قطری خط دے ذریعے بچنڑ دی کوشش کریندے رہیے ۔چھوٹے میاں درباریاں دی پریس کانفرنساں دے ذریعے کم کڈھنڑ دی کوش کریندے پئن ۔انہاں آکھیے جو وڈے میاں مرکزی حکومت اچ بہہ تے چھوٹے میاں وزیراعلیٰ بنڑ تے وارداتاں کریندے رہیے ، سارے حربے آزماونڑ دے بعد وڈے میاں دی جان چھٹی نہ چھوٹے میاں دی چھٹسی۔ وفاقی وزیر آکھیے جو وڈے میاں وانگوں چھوٹے میاں دا سیاسی مستقبل وی مکمل تاریک اے۔ انہاں مزید آکھیے جو چھوٹے میاں وڈے میاں توں سبق حاصل کرن تے ٹامک ٹوئیاں مارنڑ بند کرتے سولاں دے سنجیدگی نال جواب ڈیون
وڈے میاں وڈے میاں نکے میاں سبحان اللہ،وڈے میاں علاج دے بہانے لندن نکل گئن چھوٹے میاں کرونا دا ناں گھن تے زمین اچ لک گئن ، مراد سعید
مضمون کا ماخذ : اسلام آباد لاٹری
متعلقہ مضامین
