اسلام آباد۔25دسمبر (??ے پی پی):صدر مملکت ڈاکٹر عارف علوی آکھیے جو قائداعظم دے ایمان، اتحاد اتے نظم دے اصولاں تے عمل کرتے اساں پاکستان کوں مضبوط اتے ترقی یافتہ بݨا سڳدوں، ٻال اساݙے مستقبل دی قیادت ہن انہاں کوں ہمیشہ سچ بولݨ، امانت اچ خیانت نہ کرݨ، والدین اتے استاداں دی عزت کرݨ، ݙوجھے مذہب دے لوکاں دے ??ال چنڳاں ورت ورتا کرݨ اتے خصوصی ٻالاں ??ال محبت دی نصیحت کریندوں ، پ??کستان دے خاندانی نظام دی مضبوطی ساݙے ملک دا سوہݨا ستون اے، اساکوں اینکوں ٻیا تکڑا بݨاوݨا اے ، ہفتے کوں قائداعظم محمد علی جناح دی سالگرہ دی مناسبت ??ال ایوان صدر اچ قائد اتے ٻال دے عنوان توں خصوصی تقریب دا انعقاد کیتا ڳیا۔ ایں موقع تے ٻالاں سوہݨے ملی نغمے پیش کیتے جیں اچ چارے صوبیں، گلگت بلتستان اتے کشمیر دی ثقافت دی عکاسی کیتی ڳئی ہئی جݙاں جو ہونہار ٻالاں یوم قائد دی مناسبت ??ال انہاں دے تاریخی کارنامیں کوں اجاگر کیتا ۔ ایں موقع تے خاتون اول بیگم ثمینہ علوی وی موجود ہن جݙاں جو صدر مملکت اتے خاتون اول ٻالاں دے ??ال رل تے قائداعظم دی سالگرہ دا کیک وی کٹیا۔ ڈاکٹر عارف علوی ??وم قائد تے مبارخ ݙیندے ہوئیں آکھیے جو ہر سال 25 دسمبر کوں ایوان صدر اچ ایں تقریب دا انعقاد کیتا ویندے اڄ دے ٻالاں دے ??ال او ایں تقریب تو چس چاتی اے ، ٻالاں آپݨی تقریر اچ چنڳے انداز ??ال پاکستان دے قیام اتے قائد دی جدوجہد کوں اجاگر کیتے جݙاں جو انہاں دی معصومانہ ڳال توں اساکوں اے تصور ملیے جو آزادی کتنی وݙی نعمت اے ، لوک ایں کیتے سینکڑوں سال جدوجہد اتے مصیبتاں سہندن ۔ صدر مملکت آکھیے جو آزادی ساریں توں قیمتی چیز اے، اے ٻال ساݙے مستقبل دی قیادت ہن، انہاں دی عمر کھیݙݨ دی اے ، قائداعظم ھک چنڳے کھلاڑی ہن لیکن انہاں دی والدہ انہاں کوں اے نصیحت کریندی ہئی جو پڑھسو لکھسو تاں وݙے آدمی بݨسو ، قائداعظم کوں ٻالاں ??ال ودھ ساری محبت ہئی ، ہمیشہ سچ بولݨ ملک دی لوڑھ دی لوڑھ اے ھک ݙوجھے ??ال سچ بولݨا اے ایہا نصیحت ساݙے پیغمبر ﷺدی ہئی جݙاں وج قائداعظم وی سچ بولݨ تے محنت دی لوڑھ تے زور ݙتا ، پ??کستان اچ جے اے ݙوچیزاں اے آونڄن تاں ملک مضبوط بݨسی ۔ انہاں اپݨی تقریر دا اختتام ایں دعا دے ??ال کیتے جݙاں تئیں اے دنیا باقی اساں ݙیکھسوں آباد تیکوں ، سوہݨی دھرتی اللہ رکھے قدم قدم آباد تیکوں۔
قائداعظم دے ایمان، اتحاد اتے نظم دے اصولاں تے عمل کرتے اساں پاکستان کوں مضبوط اتے ترقی یافتہ بݨا سڳدوں ، صدر مملکت ڈاکٹر عارف علوی
مضمون کا ماخذ : لاٹری ٹکٹ کی دستیابی
متعلقہ مضامین
