بیجنګ ۔11جون(اے پی پی) د چين د خارجه وزارت وياند وئيلي دي چين پاكستان سره په همكارۍ اډانه دوه اړخيزه او ستراتيجيكي اړيكې قوي كولو او په نوي دور كښې شريك سباؤن سره نزدې چين پاكستان كميونټي جوړولو له خوښي لري۔ د دې خيالاتو څرګندونه د چين د خارجه وزارت وياند د نهې په ورځ د وزيراعظم شهباز شريف د چين اوسنۍ دورې په اړه د بريفنګ په مهال د خبريالانو د پوښتنو په ځواب كښې وكړه۔ ده ووئيل د پاكستان وزيراعظم د جون 4 مې نېټې څخه تر 8 مې نېټې د چين دوره وكړه۔ د چين لخوا ده ته تود هركلے ووئيل شو۔ د خپلې دورې په مهال وزيراعظم د چين صدر شي جن پنګ او وزيراعظم لی کیانګ او چیئرمین ژاؤ لیجی سره ملاقات وكړو۔ په ملاقات كښې د دواړو هېوادونو لارښودو په پاك چين اړيكو او د شريكو اندېښنو په چارو د خيالاتو څرګندونه وكړه۔ په ملاقات كښې صدر شي جن پنګ په دې خبره زور راوړو چې د چين او پاكستان ترمينځه په هر موسم كښې اسټرېټجک کوآپرېټو پارټنرشپ پرله پسې ژور شوے۔ وياند ووئيل چين پاكستان سره په همكارۍ اډانه دوه اړخيزه او ستراتيجيكي اړيكې قوي كولو او په نوي دور كښې د شريك سباؤن سره يو نزدې چين پاكستان كميونټي جوړولو له خوښي لري۔ د خپلې دورې په مهال وزيراعظم ووئيل د چين او پاكستان پياوړې او مضبوطه ملګرتيا كوم طاقت كمزورې كولې نه شي او پاكستان د چين تر ټولو زيات د باور وړ ملګرے او همكار دے۔ دواړو په دې خبره اتفاق وكړو چې دواړه به د خپلو خپلو بنيادي ګټو او اندېښنو سره په اړوندو چارو د يو بل بشپړ ملاتړ روان ساتي۔ دواړو اړخونو د پاكستان قامي پرمختګ ته ودې وركولو او د پاكستاني اولس خېر ښیګړې له د پاك چين اقتصادي راهدارۍ مثبت كردار وستائلو۔ وياند ووئيل پاکستاني حکومت يو وارې بيا د مارچ په 26 مه نېټه داسو ترهګر بريد كښې د چينائي اهلكارو په وژلے كېدو د غمرازۍ ښكاره كولو سره په دې خبره زور راوړو چې هغوي به دغه پېښه د د ككړو كسانو په ضد سخته كارروائي كوي او هغوي ته به سخته سزا وركوي او دغسې په پاكستان كښې به د چينائي اهلكارو ٬ منصوبو او ادارو تحفظ باوري كولو له عملي او فعاله ګامونه پورته كوي۔ د دورې په مهال دواړو اړخونو د پاک چین اقتصادی راهدارۍ، د تګ راتګ بنیادی اډانې ٬ كركيلې ، صنعت، بین الحکومتي معاونت، د مارکیټ نګرانۍ ، جغرافیائی سروے او نقشه سازی، میډیا او داسې نورو اړوندو څانګو كشې د همكارۍ 23 دستاوېزات لاس ليك كړل۔ د دې دورې په مهال وزيراعظم شهباز شريف د شینزین، شیان او نورو ښارونو دوره هم وكړه۔ ده د چين په اقتصادي او سماجي پرمختګ كښې د ترلاسه شوو كاميابو ستائنه وكړه او چين سره په حكمرانۍ كښی د تجربې تبادلې مضبوطولو له ئۍ خوښي ښكاره كړه۔
چين پاكستان سره په همكارۍ اډانه دوه اړخيزه او ستراتيجيكي اړيكې وي كولو او په نوي دور كښې شريك سباؤن سره نزدې چين پاكستان كميونټي جوړولو له خوښي لري٬ د چينائي خارجه زارت وياند
مضمون کا ماخذ : como jogar lotomania
متعلقہ مضامین
.jpg)
