د پاكستان په كوربتوب كښې د دريم پاك چين مشتركه مشاورتي مېكنزم غونډه ٬ د سياسي ګوندونو د سي پيك ملاتړ او دوه اړخيزه پياوړې اړيكو لپاره د ځانګړې موافقې څرګندونه
اسلام آباد۔21 جون(اے پی پی) د پاکستان په مركزي چوكاټ كښې شاملو ټولو سياسي ګوندونو د چین پاکستان اقتصادی راهدارۍ (سی پېک) په زړه پورې ملاتړ له د ځانګړې موافقې څرګندونه وكړه او لارښودو د هر ډول ناوړه عزائمو ناكامه كولو سره د پاکستان او چین ترمينځه دوه اړخيزه اړيكې لا مضبوطولو له د خپل پوخ عزم پخلے وكړو۔ د سياسي ګوندونو دا موافقت د جمعې په ورځ د سی پېک پاکستان چائنا پولیټیکل پارټیز فورم او د سی پیک پولیټیکل پارټیز مشترکه مشاورتی مېکانزم په درېمه غونډه كښې رامخې ته شو د كوم مشري چې نائب وزیراعظم او خارجه وزير اسحاق ډار او د کمیونسټ پارټی آف چائنا نړيوالې څانګې وزیر او د کمیونسټ پارټی د مرکزی کمېټۍ غړي لیو جیان چاو په ګډه كوله۔ په دستوره كښې د سېنېټ چيئرمېن سید یوسف رضا ګیلانی او د قومي اسمبلۍ سپيكر سردار ایاز صادق او د لويو سياسي ګوندونو مشرانو ګډون وكړو په كومو كښې چې د منصوبه بندۍ وفاقي وزير احسن اقبال، د اېم کیو اېم خالد مقبول صدیقی، د جے یو آئی (ف) مولانا فضل الرحمان، د پیپلز پارټۍ حنا ربانی کھر ، د پاکستان تحریک انصاف سېنیېر سید علی ظفر، د استحکام پاکستان پارټۍ منزہ حسن، د نېشنل پارټۍ سېنېټر جان محمد، سینئر سیاستدان افراسیاب خټک او نور لارښود شامل وو۔ په خپلو ابتدائي خبرو كښې نائب وزير اسحاق ډار ووئيل سی پېک د پاكستان په سماجي او اقتصادي پرمختګ كښې مهم كردار ترسره كړے دے۔ ده ووئيل د لوډ شېډنګ په څير د هېواد د يوې پخوانۍ مسئلې حل كولو سره سره د سي پېك لاندې پرمختيائي منصوبو پاكستاني اولس لپاره د روزګار د لكھونو په شمېر نوې موقعې رامخې ته كولو كښې مرسته وكړه او دا به پاكستانې اولس كله هم هېر نه كړي۔ د وزيراعظم شهباز شريف د چين اوسنۍ دورې ذكر كولو سره نائب وزيراعظم ووئيل دواړو فريقو د سي پېك د دويم پړاؤ په عملي كولو موافقت وكړو۔ چينائي وزير ليو جيان چاؤ په خپل ريماركس كښې ووئيل د وزیر اعظم شهباز شریف د زياتې كاميابې دورې په مهال لاس ليك شويو لوظنامو دواړو هېوادونو ته مطلوبه بدلونونه راوستلو له د خپلو اړيكو اپ ګرېډ كولو موقعه وركړه۔ ده اعلان وكړو چې آئي ډي پي سي به په درې كلونو كښې 300 پاکستانی پارلیمنټیرینز ته د چين دورې كولو بلنه وركولو سره سره پاكستاني ځوانانو ته سكالرشپ او پېشه ور تربيه وركړي۔ په خپل خطاب كښې د سېنېټ چیئرمېن سید یوسف رضا ګیلانی ووئيل ټول سياسي ګوندونه د سي پېك عزم لري۔ وې چې دې د روغتيا ٬ زده كړو ٬ آئي ټي او نورو څانګو كښې همكارۍ ته وده وركولو سره سره د هېواد د برېښنا ستونزې لرې كولو كښی خپل كردار ترسره كړے دے۔ د منصوبه بندۍ وفاقي وزير احسن اقبا ووئيل د سیاسی اختلافاتو باوجود ټول سياسي ګوندونه د چين او سي پېك حوالې سره متفق دي۔ د جے یو آئی (ف) مشر مولانا فضل الرحمان د کشمیر کاز په غېر مشروط ملاتړ كولو د چينائي مشرتابه مننه وكړه او د تائيوان په معامله يۍ د پاكستان لخوا د چين د حمايت ملاتړ وكړو۔ وروستو يو انټراېکټو سېشن وشو په كوم كښې چې د ګډون كوؤنكو لارښودو لخوا وړاندېزونه وركړې شول او زياترو د اولسي كچې زياتولو له پارليماني تبادلو ته د زيات پام ګرځولو په حاجت زور راوړو۔
مضمون کا ماخذ : prêmios lotofácil
متعلقہ مضامین
