اسلام آباد۔29ستمبر(اے پی پی) وفاقی وزیر داخلہ محسن نقوی نال چینی قونصل جنرل ژاؤ شیرین ملاقات کیتی تے چین دے قومی ݙینھ دی مبارخ ݙتی ۔ملاقات اچ محسن نقوی صدر شی جن پنگ دی قیادت اچ چین دی ترقی دی تعریف کریندے آکھیے چین ترقی دے نویں سنگ میل پار کیتن ، انھاں چین کوں ??اکستان دا ساریں توں ??ابل اعتماد تے مخلص دوست قرار ݙیندے ݙوہیں ملکاں وچال پائیدار تعلقات دے ودھارے تے مزید زور ݙتا ۔وزیر داخلہ چین دی تکھی رفتار ترقی کوں دنیا سانڳے ھک ماڈل دے طور تے اجاگر کریندے آکھیے چین پاکستان دی معیشت مستحکم کرݨ اچ تاریخی کردار نبھائے ۔محسن نقوی مزید آکھیے پاکستان کوں چین نال آپݨی لازوال دوستی تے ماݨ اے ، جیڑھا چین پاکستان اقتصادی راہداری (سی پیک)دے ذریعے اُتے پڄی اے ، انھاں آکھیے ??اک چین دوستی ہمیشہ تکڑی رہسی ۔ ملاقات اچ قونصل جنرل ژاؤ شیریں پاکستا?? اچ چینی تاجراں دی درخواستاں دی بنیاد تے وزارت داخلہ دی طرفوں کیتی ڳئی کجھ ترامیم تے وفاقی وزیرنال اظہار تشکر وی کیتا۔انھاں پاکستان کوں چین دا بہترین دوست آکھ تے تشکر کیتے تے ایں ڳالھ دا اعادہ کیتے ??و ݙوہیں ملکاں دا تعاون جاری رہسی ۔ ملاقات اچ چینی قونصل خانے دے سینئر حکام وی موجود ہن، فریقین سانجھی دلچسپی دے امور تے ݙوپا??ے تعلقات کوں ??زید ودھارا ݙیوݨ تے ڳالھ مہاڑ کیتی۔
