اسلام آباد ۔ 18 اپریل (اے پی پی) وزیراعظم عمران خان کورونا وائرس دی صورتحال اچ ضروری اشیاءدی ذخیرہ اندوزی، ناجائز منافع خوری اتے سمگلنگ کرنڑ آلے عناصر کوں چیتیندے ہوئے واضح اعلان کیتے جو کرونا دی صورتحال کوں کہیں قسم دا ناجائز فیدہ چاونڑ دی اجازت نہ ڈتی ویسی،حکومت ذخیرہ اندوزی، ناجائز منافع خوری اتے سمگلنگ تے سخت کارروائی کریسی،کنڑک دا ملھ ودھاونڑ اتے مصنوعی بحران تے ایکشن گھدا ویسی،ملک دے کمزور اتے غریب طبقات تے توجہ ڈیندے ہوئے ہر چیلنج نال نبڑسوں۔اے گالھ وزیراعظم عمران خان کورونادی صورتحال اتے حکومتی ا قدامات بارے میڈیا بریفنگ اچ آکھی۔ انہاں آکھیا جو کرونا جھیں صورتحال نال نبڑن کیتے کوئی وی ملک تیار کائنا ہا،بھل اساں 13 مارچ توں ہی اقدامات شروع کرڈتے ہن جڈاں ملک اچ صرف 26 کیسزہی رپورٹ تھئے ہن،اساں مرحلہو ار اقدامات کیتن اتے ویلھے سر اقدامات پاروں کرونا کیسز دی تعداد بہوں حد تئیں محدود رہی اے جیندے تے قوم کوں مبارک ڈینداں اتے اللہ تعالیی دا شکر ادا کرینداں۔وزیراعظم آکھیے جو اجوکی صورتحال اچ این مہینے ساڈے ہسپتالاں اچ انتہائی نگہداشت دی ضروریات دا سامان اتے آلات موجود ہن بھل آندے مہینے اے صورتحال خراب تھی سگدی اے،جیکر عوام احتیاط کیتی رکھی تاں اساں ایں آفت توں تیکھے بچ نکلسوں،بھل حکومت ول وی متوقع حالات دی تیاری کریندی پئی اے،کوشش اے جو لاک داون توں غریب طبقے کوں بچایا ونجے، ایں سانگے وڈاریلیف پیکج ڈتے،پاکستان اچ 70توں 80 فیصد محنت کشاں دی رجسٹریشن دا انتظام اے نہ ہی سوشل سیکورٹی داکوئی نظام،ایں سانگے ملکی تاریخ دا سب توں وڈااحساس پروگرام شروع کیتے جیندے تحت میرٹ تے 12 ہزار روپے فی خاندان ڈیویندے پین،،تعمیرات،کاروبار اتے صنعتاں کوں وی سوکھ ڈیندے پئے ہیں،لاک ڈاون اچ پولیس عوام دی ہر ممکن رہنمائی کرے۔ انہاں رمضان المبارک اچ جامع پالیسی کیتے صدر مملکت دی علماءمشائخ نال مشاورت اتے اتفاق رائے دی تعریف کیتی۔انہاںا ٓکھیے جو کرونا تے سیاست نہ کیتی ونجے،ایندے نال قومی اتحاد اتے کرونا دے خلاف کوششاں متاثر تھیسن،حقائق لکاونڑ دا تاثر بالکل غلط اے،بیرون ملک پاکستانیاں کوں وی کلہا نہ چھڑیسوں،محفوظ وطن واپسی یقینی بنڑائی ویندی پئی اے۔
حکومت ذخیرہ اندوزی، ناجائز منافع خوری اتے سمگلنگ تے سخت کارروائی کریسی،ملک دے کمزور اتے غریب طبقات تے توجہ ڈیندے ہوئے ہر چیلنج نال نبڑسوں وزیراعظم عمران خان دی کورونادی صورتحال اتے حکومتی ا قدامات بارے میڈیا بریفنگ
مضمون کا ماخذ : jogos de azar no Brasil
متعلقہ مضامین
