اسلام آباد۔7جنوری(اے پی پی)وزیراعظم محمد شہباز شریف متحدہ عرب امارات دے صدر نال ملاقات کوں فیدہ مند قرار ݙیندے آکھیے جو متحدہ عرب امارات، پاکستان کولو 2 ارب امریکی ڈالرز ادائیگی مؤخر کرݨ دا فیصلہ کیتے، ڄیڑھا ساݙی معیشت کیتے چنڳاں اے، اے ادائیگی پاکستان ایں سال جنوری اچ کرݨی ہئی۔ وزیراعظم محمد شہباز شریف دی اڳوآݨی اچ وفاقی کابینہ دا اجلاس تھئے جیندے اچ وزیراعظم رحیم یار خان اچ متحدہ عرب امارات دے صدر محمد بن زید النہیان نال مالقات دا ݙسیندے آکھیے جو متحدہ عرب امارات پاکستان ولوں 2 ارب امریکی ڈالرز دی ادائیگی، ڄیڑھی جنوری اچ کرݨی ہئی کوں مؤخر کرݨ دا فیصضہ کیتے ڄیڑھا ساݙی معیشت کیتے ہک چنڳی ڳالھ اے، یو اے ای دے صدر پاکستان اچ سرمایہ کاری دا عزم دوہریندے آکھیے جو ݙوہاں ملکاں دے تعلقات تاریخی اتے ??ہم ہین۔ ایں موقع تے وفاقی کابینہ ریونیو ڈویژن دی سفارش تے فیڈرل بورڈ آف ریونیو دے انفرااسٹرکچر کوں پریوینشن آف الیکٹرانک کرائمز ایکٹ (پیکا) 2016 دے تحت کریٹیکل انفراسٹرکچر قرار ݙیوݨ دی منظوری ݙتی تاں جو فیڈرل بورڈ آف ریونیو دے انتہائی حساس ڈیٹا کوں سائبر حملیاں ڄیویں ہیکنگ اتے کہیں وی غیرقانونی مداخلت توں بچاوݨ اے اتے ??یندے نال ایف بی آر دا حساس ڈیٹا ٻیا محفوظ ٻݨاوݨ اچ مدد ملسی۔ وفاقی کابینہ بین الاقوامی ائیر لائن فلائی دبئی دی لاہور اتے ??سلام آباد توں دبئی اتے ??بئی توں لاہور اتے ??سلام آباد پروازاں دی ہفتہ وار فریکوئینسیز دے عارضی اجازت نامے اچ 4 جنوری 2025 توں 3 فروری 2025 تئیں توسیع دی منظوری ݙتی۔ کابینہ کوں 11 وفاقی وزارتاں/ ڈویژنز دی گوادر بندرگاہ توں مارچ 2024 توں ہݨ تئیں پبلک سیکٹر درآمدات و برآمدات تے ??ریفنگ ݙتی گئی۔ وزیراعظم ہدایت کیتی جو درآمدات و برآمدات اچ کہیں وی وانڄھ دے بغیر پبلک سیکٹر دیاں درآمدات و برآمدات دا 60 فیصد حصہ گوادر بندرگاہ توں کیتا ویسی۔ کابینہ کوں وزارت انفارمیشن ٹیکنالوجی و ٹیلی کمیونیکیشنز ولوں وفاقی وزارتاں اتے ڈویژنز اچ ای-آفس دے نفاذ سانڳے پیشرفت تے ??ریفنگ ݙتی گئی۔ وفاقی کابینہ سکولاں اتے کالجاں کیتے ??ی فربشڈ کروم بکس دی خریداری/ حصول کوں پبلک پروکیورمنٹ ریگولیٹری اتھارٹی آرڈیننس دے سیکشن 21 اے دے تحت استثنیٰ ݙے ݙتا۔ وفاقی کابینہ سرمایہ کاری بورڈ اتے ??ینڈونگ روئی گروپ چائنہ وچال ٹیکسٹائل پارکس دے قیام بارے تعاون دی مفاہمتی یادداشت تے ??ستخط دی منظوری ݙے ݙتی۔ وفاقی کابینہ ڈپلومیٹک اکیڈمی، وزارت خارجہ جمہوریہ سربیا اتے فارن سروس اکیڈمی، وزارت خارجہ ا??لامی جمہوریہ پاکستان وچال مفاہمتی یادداشت تے ??ستخط دی منظوری ݙتی۔ وفاقی کابینہ کوں کابینہ کمیٹی برائے پرائیویٹ حج آپریٹرز کورٹ کیسز دی سفارشات پیش کیتاں ڳن۔ وفاقی کابینہ کابینہ کمیٹی برائے لیجسلیٹو کیسز دے 31 دسمبر 2024 اتے یکم جنوری 2025 دے اجلاس دے فیصلاں دی توثیق کرݙتی۔
متحدہ عرب امارات، پاکستان کولو 2 ارب امریکی ڈالرز ادائیگی مؤخر کرݨ دا فیصلہ کیتے، ڄیڑھا ساݙی معیشت کیتے چنڳاں اے، وزیراعظم محمد شہباز شریف
مضمون کا ماخذ : مردہ یا زندہ II
متعلقہ مضامین
