اسلام آباد۔3دسمبر(اے پی پی) صدر مملکت ڈاکٹر عارف علوی آکھیا جو اڄ دعا دا ݙینھ مانیا ویسی، جمعے دی نماز دے کٹھ اچ کورونا دی ݙوجھی لہر توں بچݨ سانڳے خصوصی دعائیں کیتی ویسن۔کورونا وائرس دی وبا دی ݙوجھی لہر تے علما تشویش کیتی اے۔ وبا توں تحفظ سانڳے عوام دی آگاہی تے علماء کرام اتفاق کیتے۔مسیتاں اچ ایس او پیز تے عملدرآمد یقینی بݨایا ویسی۔ عوام دی آگاہی سانڳے میڈیا وی کردار ادا کرے۔ علما اپیل کیتی جو کڄھ عرصے سانڳے جلسے جلوساں کوں موخر کر ݙتا ونجے۔ خمیس کوں اتھاں کورونا وائرس دی ݙوجھی لہر اتے اوندی صورتحال بارے وفاقی وزیر مذہبی امور تے بین المذاہب ہم آہنگی نور الحق قادری اتے وزیراعظم دے معاون خصوصی برائے صحت ڈاکٹر فیصل س??طان دے رلے برینفگ اچ ڳالھ مہاڑ کریندیں ہوئیں صدر مملکت ڈاکٹر عارف علوی آکھیا جو کورونا وائرس دی پہلی لہر اچ اپیرل اچ اوسط پنج سو م??یض ہن۔ انہاں آکھیا جو ہݨ کورونا وائرس دا ݙوجھا مرحلہ اے اتے ایں بارے عوام توں اپیل اے جو پہلی لہر اچ ملی کامیابیاں دی روشنی اچ حفاظتی اقدامات کرن اتے ا??ں مہم اچ کورونا وائرس دی وبا نال لڑݨ آلے الفاظ دی بجائے کورونا وائرس توں بچیا ونڄے۔ایں ت??ں پہلے صدرمملکت دی صدارت اجلاس اچ وزیر اعظم دے معاون خصوصی برائے صحت ڈاکٹر فیصل س??طان کووڈ۔19 وفاقی وزیر برائے مذہبی امور و بین المذاہب ہم آہنگی پیر نور الحق قادری وی شرکت کیتی۔ آزاد جموں تے کشمیر دے صدر ، صوبائی گورنرز اتے متعلقہ علاقیاں ت??ں علماء کرام وی ویڈیو لنک توں شرکت کیتی ۔علماء کرام کورونا وبا روکݨ اتے ایں بارے ایس او پیز تے عمل کرم بارے پورے تعاون دا یقین ݙوایا۔
