اقوام متحدہ۔8نومبر(اے پی پی) اقوام متحدہ دی جنرل اسمبلی دی فرسٹ کمیٹی تخفیف اسلحہ متعلق پاکستان دی طرفوں پیش کیتیاں ڳیاں چار قرارداداں دی منظوری ݙے ݙتی جنھاں دا مقصد علاق??ئی تے بین الاقوامی امن تے سلامتی کوں ودھار?? ݙیوݨ اے ، اے قرارداداں اے اہداف گھنݨ سانڳے پاکستان دے عزم کوں ظاہر کریندن ۔ اے قرارداداں گزریل ݙینھ اقوام متحدہ دی جنرل اسمبلی دی تخفیف اسلحہ اتے بین الاقوامی سلامتی متعلق فرسٹ کمیٹی دی طرفوں منظور کیتیاں ڳئن ، جنھاں اچوں ترائے قرارداداں کوں رکن ملکاں دی طرفوں ایندے باوجود زبردست حمایت ملی جو عالمی سطح تے جوہری اسلحہ دے عدم پھیلاؤ اتے ایندے اچ تخفیف دے حوالے نال چیلنجز دا سامݨا اے۔ توقع اے جو انھاں قرار داداں دے مسودیں کوں توثیق سانڳے آندے مہینے جنرل اسمبلی اچ پیش کیتا ویسی ۔قرارداداں علاقائی سطح تے تخفیف اسلحہ، علاق??ئی اتے ذیلی علاق??ئی سطح تے روایتی ہتھیاراں دے کنٹرول دے نال نال علاق??ئی اتے ذیلی علاق??ئی تناظر اچ اعتماد سازی دے اقدامات (سی بی ایمز) متعلق ہن۔’’علاق??ئی تخفیف اسلحہ‘‘ اتے ’’علاق??ئی اتے ذیلی علاق??ئی تناظر اچ اعتماد سازی دے اقدامات ‘‘دے عنوان توں قرارداداں اتفاق رائے نال منظور کیتیاں ڳئن ۔ ’’علاق??ئی تے ذیلی علاق??ئی سطح تے روایتی ہتھیاراں دا کنٹرول‘‘ دے عنوان توں قرارداد دے متن دے حق اچ 179 ووٹ تے مخالفت اچ صرف ھک ووٹ پئے جیڑھا جو بھارت دا ہئی۔ ایں تے علاوہ اسرائیل قرار داداں تے ووٹنگ اچ حصہ کائنی ڳھدا ۔عالمی برادری دی طرفوں قرارداداں سانڳے زبردست حمایت ھکے خطے یا ذیلی خطے اچ واقع ریاستاں دی دفاعی صلاحیتاں اچ روایتی ہتھیاراں دے کنٹرول، تحمل اتے توازن سانڳے پاکستان دی وکالت دے اعتراف کوں ظاہر کریندن ۔اقوام متحدہ دے سفارت کاراں علاق??ئی تخفیف اسلحہ، روایتی ہتھیاراں تے قابو پاوݨ تے اعتماد سازی دے اقدامات (سی بی ایمز ) دے اہداف کوں ودھار?? ݙیوݨ سانڳے پاکستان دے اقدامات دی تعریف کریندے آکھیے قرارداداں بین الاقوامی امن، سلامتی اتے استحکام کوں ودھار?? ݙیوݨ سانڳے ہتھیاراں دے کنٹرول، تخفیف اسلحہ اتے اعتماد سازی سانڳے علاق??ئی اتے عالمی نقطہ نظر دی اہمیت تے تکمیل کوں منیندن ۔ ایں توں پہلے پاکستان دی قرار دادبعنوان ’’جوہری ہتھیاراں دے استعمال یا استعمال دے خطرے دے خلاف غیر جوہری ہتھیار رکھݨ آلیاں ریاستاں کوں یقینی بݨاوݨ سانڳے موثر بین الاقوامی انتظامات دی تکمیل ‘‘ دے حق اچ 117 ووٹ پئن، مخالفت اچ کوئی ووٹ کائنی پیاجݙاں جو 64 رکن ملکاں رائے شماری اچ حصہ کائنی ڳھدا۔
