کراچی۔25اکتوبر (اے پی پی):رئیر ??یڈمرل میاں ذاکر اللہ جان کراچی اچ منعقدہ ھک پر وقار تقریب اچ کمانڈر کراچی دیاں ذمے واریاں سانبھ ڳھدن ۔سنوار کوں جاری اعلامیہ موجب تقریب اچ وائس ایڈمرل اویس احمد بلگرامی کمان نویں تعینات تھیوݨ آلے کمانڈر کراچی دے حوالے کیتی۔بطور کمانڈر کراچی رئیر ??یڈمرل میاں ذاکر اللہ جان کراچی اچ قائم پاک بحریہ دے سارے تربیتی یونٹس دے انچارج ہوسن ۔رئیر ??یڈمرل میاں ذاکر اللہ جان 1990 اچ پاک بحریہ دی آپریشنز برانچ اچ کمیشن حاصل کیتا۔او ھک شاندار کیرئیر ??ے حامل ہن اتے ٻہوں ساری کمانڈ اینڈ اسٹاف عہدیں تے فائز رہ چکئن ۔انہاں دی کمانڈ تعیناتیاں اچ کمانڈنگ افسر 27 اسکواڈرن، ہیڈ کوارٹر نیو سینٹ بحرین اچ این 3(ائیر)، ہیڈ آف پی تھری سی مشن امریکا ،ڈائریکٹر نیول ایوی ایشن اتے پراجیکٹ ڈائریکٹر ایگل فورٹ شامل ہن۔انہاں بطوراسسٹنٹ چیف آف نیول اسٹاف(آپریشنل پلانز)،نیشنل ڈیفنس یونیورسٹی اچ ڈائریکٹنگ سٹاف،وزارت دفاعی پیداوار اچ ڈائریکٹر جنرل ڈیفنس پرچیز، چیف اسٹاف آفیسر ٹو کمانڈر پاکستان فلیٹ، ڈپٹی چیف آف نیول اسٹاف(ایڈمن)اتے نیول سیکریٹری وی اپݨے فرائض انجام ݙتے۔کمانڈر کراچی دے عہدے تے فائز تھیوݨ ??وں پہلے او نیول ہیڈ کوارٹرز اسلام آباد اچ ڈپٹی چیف آف نیول اسٹاف(ٹریننگ اینڈ پرسنیل)دیاں ذمے واریاں ݙیندے پئے ہن ۔رئیر ??یڈمرل میاں ذاکر اللہ جان پاکستان نیوی وار کالج ??وں وار اسٹڈیز اچ گریجویشن اتے نیشنل ڈیفنس یونیورسٹی ??وں نیشنل سکیورٹی اینڈ وار سٹڈیز اچ ایم ایس سی دی ڈگری حاصل کیتی۔انہاں نیشنل ڈیفنس یونیورسٹی امریکا ??وں نیشنل سیکیورٹی اینڈ ریسورسز اسٹریٹجی اچ وی ایم ایس دی ڈگری حاصل کر رکھی اے۔رئیر ??یڈمرل میاں ذاکر اللہ جان کوں ایں شاندار خدمات دے اعتراف اچ ہلال امتیاز(ملٹری)نال وی نوازیا ڳئے ۔تبدیلی کمان دی تقریب اچ رئیر ??یڈمرل میاں ذاکر اللہ جان کوں گارڈ آف آنر پیش کیتا ڳیا تے زیر کمان یونٹس دے کمانڈنگ افسران نال انہاں دا تعارف کروایا ڳیا۔تقریب اچ پاک بحریہ دے افسران، سی پی اوز/سیلرز اتے سویلینز شرکت کیتی ۔
رئیر ایڈمرل میاں ذاکر اللہ جان بطور کمانڈر کراچی ذمہ واریاں سانبھ ڳھدن
مضمون کا ماخذ : جنگل کے راز
متعلقہ مضامین
