اسلام آباد ۔ 22 مارچ (اے پی پی) وفاقی وزیر آبی وسائل فیصل واوڈا آکھیے جو پانڑیں زندگی اے ،پیونڑ دا صاف پانڑیں ہک بنیادی حق اے،حکومت کوششاں کریندی پئی اے جو ہر شہری کوں پیونڑ دا صاف پانڑیں ڈتا ونجے ۔انہاں اے گال پانڑیں دے عالمی ڈینھ دے موقع تے اپنڑے ہک پیغام اچ آکھی ۔انہاں آکھیا جو پانڑیں خوراک دی فراہمی تے زراعت کیتے اہم اے ۔93فیصد پانڑیں زراعت دے شعبے اچ استعمال تھیندے ۔انہاں آکھیے جو پاکستان انہاں ملکاں اچ شامل اے جنہاں کوں آندے سالاں اچ پانڑیں دا گھٹکی دا سامنڑاں کرنڑاں پئے سگدے۔فیصل واوڈا آکھیے جو ارباں روپے مالیت دا مٹھا پانڑیں ہر سال سمندر اچ ضائع تھی ویندے پانڑیں بچاونڑ وقت دی ضرورت اے ۔انہاں آکھیے جو آبی ذخیریں دی تعمیر حکومت دی ترجیح اے ۔
مضمون کا ماخذ : لاٹری نمبر کا انتخاب
