اسلام آباد ۔ 3 جون (اے پی پی) وفاقی وزیر توانائی (پٹرولیم ڈویژن) عمر ایوب خان ہائیڈرو کاربن ڈویلپمنٹ انسٹی ٹیوٹ اچ پٹرولیم مصنوعات دے تجزیہ و ٹیسٹ دی سٹیٹ آف دی آرٹ لیبارٹری دا افتتاح کیتا۔ افتتاحی تقریب اچ پٹرولیم ڈویژن دے اعلی عہدیداراں اتے بئے ممتاز ماہرین شرکت کیتی۔ ایندے توں پہلے پٹرولیم ڈویژن ہائیڈو کاربن ڈویلپمنٹ انسٹی ٹیوٹ آف پاکستان (ایچ ڈی آئی پی) کیتے ہک جدید اپ گریڈیشن پلان بنڑاونڑ دی منظوری ڈتی ۔اے پٹرولیم ڈویژن دی اپنڑیاں ساریاں تنظیماں اچ بین الاقوامی بہترین طریقے کوں متعارف کراونڑ دے اقدام دا تسلسل اے ۔ایں منصوبے اچ اسلام آباد ، لاہور ، کراچی ، پشاور ، کوئٹہ اتے ملتان اچ پٹرولیم مصنوعات دی ٹیسٹنگ سہولتاں دی اپ گریڈیشن دا تصور ڈتا گئے ۔ منصوبے اچ اسلام آباد اچ پٹرولیم ٹیسٹنگ لیبارٹری دی آئی ایس او سند حاصل کرنڑ وی شامل اے ۔
مضمون کا ماخذ : نتیجہ یہ ہے کہ
